Kunngjering av mottatt søknad om spektrumsløyve for 228,304-229,840 MHz (kanal 12D), RiksDAB-blokka

Post- og teletilsynet (PT) har mottatt ein søknad om spektrumsløyve for 228,304-229,840 MHz (kringkastingskanal 12D) frå 1.1.2011. Norkring AS har frekvensløyve for dette spektrumet fram til 31.12.2010.

Frekvensbandet er i nasjonal frekvensplan planlagt for kringkastingstenester, og frekvensen er framforhandla for riksdekkande bruk for T-DAB først gjennom den europeiske WI95-avtalen, deretter vidareført i GE06-avtalen for digital kringkasting i ITU region 1. GE06-avtalen opnar for bruk av frekvensen til andre bakkebaserte tenester enn kringkasting, så lenge tenestene ligg innanfor spektrumsmaska for T-DAB som definert i avtalen.

For å gi andre interesserte partar høve til å vise interesse for frekvensløyvet, ber vi om at eventuelle konkurrerande søknader sendast PT innan 10. april 2007. For at søknad om frekvensløyve skal bli vurdert, skal søker stille garanti og utstede erklæring. Garantien skal lyde på NOK 400 000. Informasjon om garanti og erklæring finnast her.

Søknad skal vere skriftleg og innehalde informasjon om:

• Søkjaren sitt namn, adresse og organisasjonsnummer
• Kontaktperson (namn, telefonnummer og e-post)

Dersom PT ikkje mottar konkurrerande søknader innan fristen, vil frekvensløyve for perioden frå 1.1.2011 til 31.12.2020 bli tildelt søkjer. Dersom PT mottar søknader frå andre interessentar innan fristen, kan PT vedta at frekvensspektret skal fordelast etter konkurrerande prosedyre. Ved fordeling etter konkurrerande prosedyre vil også andre enn dei opphavlege søkjarane få høve til å delta.

Dersom søknader inneheld sensitive opplysningar, til dømes forretningsløyndomar, vil heile eller delar av søknadene kunne bli unnatekne frå innsyn, jf. reglane i offentleglova og forvaltningslova. Identiteten til føretak som søkjer, vil også kunne bli unnatekne frå innsyn. Dersom søkjar ønskjer at heile eller delar av søknaden vert unnateken frå innsyn, må søkjar opplyse om dette i søknaden.

For å kunne  nytte frekvensen til transmisjon av DAB eller anna kringkasting, er det eit krav om anleggskonsesjon i tillegg til frekvensløyve. Medietilsynet er ansvarleg for tildelingar av anleggskonsesjonar, som etter § 2-2 i lov om kringkasting skal samordast med frekvensløyvet. For nærmare informasjon om søknadsprosedyre og kva vilkår som vil bli stilt i samband med anleggskonsesjonen, sjå Medietilsynet si heimeside: www.medietilsynet.no